病左添 >_<
氣管炎...令我再不斷爭扎...
如以往一樣每次食藥都在爭扎~
食少一次藥好嗎?但食遲半個鐘氣管都會好唔舒服... 點頂 4 個鐘呢?但食左真係完全做唔到野 bor!咁咪玩陣抖下又瞓陣先~咁 d 野點算呀?咁咪好番一鑊過做囉~ 你都開慣 turbo 啦~咁講啫... 之但係...瞓啦~ 柒頭!結果我繼續做... 平日慣性慢動作的我這天特別慢下來... 四周好像轉快了一點...沒一點留情...Labels: 豬活
最後 ... (真的最後?)
最後一星期...
別死在死線前啊~
快手快腳先~
但係又瞓著左添...
好似仲有一科未有成績 bor...
公司大肚婆就快放產假添...
我接唔接到新任務呢...
又會唔會做得好呢...
友人公司請個很誘人的職位...
可惜... 我仍是...
沒能力去冒險...
怕且我要當一輩子會計妹...
(我司無法給我簽工作經驗.
我又要去捱 3 年先攞到個牌囉!)
蒲都唔識?!
是次相約了2 位好友一齊蒲~ wow~我地都好似係第一次咁0既陣容喎~1930 係尖咀 5 支旗桿 (海港城~) 集合我已經開始見暈~ 我唔餓得架~~ok~ 衝入海港城 food court快! 要食野~香茅豬扒湯檬 超難食!!!!好~ 食飽就算~之後才是正餐~ 吹水啊~o~行呀行~行呀行~蜜糖啤呢?(一個鐘過去了, 3 個少女仍在找!)咁求其一間啦~撘的士會俾人鬧架~ (連人地舖名都唔記得, 無計啦~)好~ 咁唯有入諾士佛台.先來 sexy 系列.第二圈來個 mama 系列. (oh! mama 係幾勁野黎架~)三個女仔 6 杯不斷轉黎飲~ haha~飲到 0030 因 2 位好友都要 sat 返工,咁我又開始酒發 (眼訓)埋單走人~走到大街, 截的士往 mk 轉車時...can can 唔見左呀!!!!!!好驚! 唔知佢係咪暈左係街!往後跑了幾步見一女子踎在路旁~正是她!!!呼~~她只是吐了 2 次吧~買了支水給她~到旺角再來吐~唔... 我點送你返去呢...咁坐茶餐廳...點知又出事. 又不適...返到屋企都 0220...但我成個人醒哂~酒氣過哂~
我好易醉, 只要我不想自己醉, 大慨不會在街上醉倒~不過... can can 以後都唔會陪我去囉... !_!
其實... 咩係蒲呀?
Labels: 豬活
蒲完~ 爽左??
自上次被一群玩開0既人 無端白事係 facebook 拋棄後...小披發神經說要各自各玩...o~ 心理嚴重失平衡一段時間...想... 或者要咁先係相處到掛...咁... 但係我又唔係鐘意各自出去玩 0既人...我又唔鐘意蒲 (我演釋 = 飲酒) ...又無人會陪我去蒲...咁點呢?(得閒 d 就在 msn + facebook 問... 除了一個之外無其他人覆好可憐, 係識小披前我求左幾多個朋友幾多次先去到果 3 次~ 唉!!!)唯一可以令自己好過 d 咪係...咁佢都出去蒲咁多次.唯有佢出一次我又出返去一次囉~唯有迫自己咁做睇下會唔會好過 d...(咁佢係二年內出去0既次數係雙手雙腳都加唔哂.)咁我當一半, 有十次.今晚用左一次.但小披又出左去, 仲未返屋企喎.(即係仲有 10 次, 仲可以夜 d 添~~ )唉~ 又要搵人陪我去, 我都唔鐘意亦唔想試自己一個去~唉~ 點解你唔係原本0個個你呢~~(我以為你是啊~ )Labels: 發豬瘟
矛盾
喜歡獨處 郤怕寂寞
喜歡熱鬧 又怕嘈吵
喜歡食野 害怕會肥
喜歡書畫 兼愛跳舞
喜歡化妝 兼想護膚
喜歡洗錢 更想儲錢
喜歡睡覺 更望畢業
Labels: 發豬瘟
2 週年
與小披 2 年啦~
學做女友 2 年啦~
haha~ 畢竟我太獨行啦~
這 2 年學習如何分配時間...
畢竟上學, 做功課, 考試+返工已經是我這 2 年 60% 時間.
寫下 blog, 吹下水, 玩下新買玩具, 食下飯 又佔有10%仲有廿幾年黎最不乏的睡眠已經變成罕有寶貴得很 5%.仲有阿媽成人嘈唔見個女.
但又見親都日日鬧交 ?! 咩事先? 想點架?
唉~ 咪就係我覺得只得很少時間陪小披
把餘下 25% 都留給小披...
其實又唔知點解一邊想做好份工, 又想讀好 d 書.但又覺得內疚不能時時刻刻都跟小披一起...
之後又吃力不討好... 好複雜.
學人情世故... 有時懂但做起來又有點... 難為情...
又要看顧大局... 好煩喎 !
總之 2 年很快又很長... 總之過去了, 追不回的時間跑了~
提早了在 3 日連假中慶祝了~小披病了, 但仍駕車到赤柱去~
呢個停車場又出事!
一輛 Mercedes Benz 跑車仔泊在主要出口的路上 !
要知道小披駕的'老爺'車雖說是私家車,
但寛得有點像比 van 仔還要寛...
(不好渣, 不過又可能練下點控制駕車好一點)話說回來, 出口出不到, 要倒車回到對面轉角位落下層...
咁樣倒車轉變, 拿角度自然不好.
加上個停車場又細得可憐... 人家在赤柱嗎~唉~ 一個不留神, 駕車凹左...
第一次'銀' 成咁...
小披整天都為此不甘心, 氣憤!
點可能有輛車在出口位等先得!
那輛開住蓬的跑車仔在我們走時還未離開囉~
(最少 5小時停在出口位!!! 荒謬之極!)
唉~
在赤柱走了一圈,
看了海事博物館
(我喜歡去這些博物館~~ 喜歡看模型喎~ lalala~)
飲過咖啡
在美利樓晚饍
之後看了生化危機:絕種生還者...
又自我陶醉自制快樂中~
lalala~~ \^v^/
隔離繼續黑沉沉~~ />_<\ Labels: 豬戀
話咁快就 2 年囉~~ HOHOHO~
跟小披嫲嫲祝賀 2 年生辰~
在鳯城酒家食飯.
蝦多士果真名不虛傳,
果翅又不錯,
當然我買的蛋糕都好吃啦~ hahaha~ (其實都知有壽飽)
上次訂好位,
訂好菜...
點知媽媽出發前數小時來電不適到現在還未去~ 唉~
真係無口福....
Labels: 豬活
你滾了過來啦~~ HAHA~
(圖: xbox 塊魂封面照, 其 poster 口號為 "你同我滾!")
>>> welcome to my new blogger~~一切在此繼續~Labels: 豬雜
