悲喜交集的一天

早幾天公公跌倒.
80多歲, 多年長期病.
老人跌一跌都很麻煩.
他要吊鹽水.

昨天表弟結婚.

昨晚收到消息.
醫生說在外的家人最好回來看一看老人家啦~
然後什麼都沒法做了.

決定....
這次無論如何一定要去探一下老人家!
今天在公司草擬 email 給學校
( law 20堂我因論文而有 14堂沒上課, 星期一沒溫書怎考呢?)
一邊寫... 一邊飲泣...
一邊包雲吞

隔離的秘書姐姐關心的問 : 鼻敏感嗎?
我一邊包的一邊細語: 喊緊.
她立即走過來安慰: 做咩呀? 同男友嘈交呀? 好小事啫, 好平常架~
我一邊搖頭一邊收唔到長流的淚...
她又說: 係咪做野唔開心呀?
我又搖頭, 想開口又講唔到野... 狂喊......
她立刻遞上紙巾,
我話: 我公公... 佢....
見她另一隻手又拿著紙巾向面上擦....
...... 我哭了... 她又哭...
結果我倆都在笑.... 其他同事一定覺得我們很痴線!

下午...
心情平伏了.
又一令人感慨的消息...
早 2 天生了仔的那大肚婆媽媽... 昨晚去世...
剛才探了她. 她還好. bb 很可愛~

最邪的是...
2 個月前, 大肚婆隔離房的會計部男高層爸爸去世.
1 星期後, 太太生了個 b 女.

幾個月, 雖然不是直接. 但還是覺得感慨.

週末會出發回鄉.
星期一... 試一試考天才波.

人生... 就是這樣
我一直盼望平淡似水的人生.
但我的人生不平坦.
太波動的事我受不來.

之前的交叉點找到很明顯的出路.
將來擁有多少, 是早安排好了.
不必太強求.
身邊擁有多少, 有足夠珍惜嗎?
我給自己放假~

結束是另一個開始

結束...

另一面,

是開始...

再次陷入渾沌中...

一片混亂...

要放棄更多換'會計師'

還是放棄, 好好過活...

人生不斷的交叉點...

這次... 我不能在數分鐘 或 數十分鐘下決定...

我決定不到.......



我是極端的, 要是要做到, 只好放棄所有, 直至達標. 起碼三年!

三十歲我會取得這個資格嗎?

手背與手心的決擇.

放棄哪一個都是... 沉重的...

第一次

人生的第一次...
總令人深刻的...
我第一次上車去控制 [車] 呢個鐵皮箱~
嘩!
早一晚超緊張~
(像第一天返學的幼稚園生 XD)
結果早睡, 但睡得不好.
預早一小時, 但還是遲出門口.
趕不到巴士...
第一次因為趕時間而需要撘的士!!!!!!!

到駕校...
先取學牌 (5月30日到期啦~)
即係我 6-7月考筆試, 一直趕功課, 考試, 論文至今才有時間上車啦 :)
不禁要跟自己說句 : 真係辛苦哂~

到編車表查看自己的 [鐵皮箱] 在哪.
唔... 在學院內... 看了一陣... 找不到路怎樣跑去...
在其他學神的鐵皮箱內穿插.
好不容易找到似路的地方跟著走.
跑到去... 發現... 車牌... 不是我剛看的那個號碼啊~
又要走回去看...
終於百鳥歸巢, 下課了~
人行的路出返來啦~ (好明顯我頭先係無睇路啦~)
因為我真係睇唔到邊度有路行 :P

返去編車表... 再記下 NO.
回去 B 區再看了那排車一陣.....
O~ 原來係地下那個 NO. ... 不是車牌 NO....
(好低 B...)

好緊張~
不斷流汗~
(明白阿頭的話, 第一次上車, 冷氣開到最大, 但手腳都會滴汗!!)
老師傅問我之前有上過車嗎?
我即刻答: 無. 所以我好緊張呀~
佢用半個鐘講車的基本野.
上 1130-1220
佢真係企係出面曬住教我睇位~
今日真係好熱, 辛苦佢啦~
跟住就俾我試行圈~

O~
OK喎~
無行左去隔離線.
無入錯彎,
無踩錯腳制,
對頭車都 hold 到駕車慢慢行
慢慢行左 2 個圈 (20km/hr)
起碼無出現"舞住行"
-- 之前諗住一上車會發癲, 俾人勁踩 break~ 勁俾人鬧白痴~ 好彩都無~

老師傅好多野講,
第一堂我諗係咁~
我轉緊彎返去. 佢又點住人地話.
"唔係呀嘛... 講左成堂仲未俾個學生上車? 有無咁多野講呀? 你都轉左 2 個圈啦!"
哇...
佢想讚自己教得好... 定想俾信心我呢?

第二堂
想學睇視點, 攞線靚 d...
點知... 一邊睇, 一邊望左鏡, 後鏡, 右鏡.
老師傅又狂講野... 又要答佢... 結果線攞唔到...
仲離哂譜... 1/4 去左隔離...
之後入個彎真係舞住入!!!
哇... 一次過我真係控制唔到咁多野喎~

油門, break 仲未控制到~
仲未可以準確停到在指定位置.
仲要睇多 d 位~ 控制好 d break 同油門先~

我諗我真係好蠢~
呢位老師傅有一下係啤一聲咁想講... "你好死蠢, 有咩唔明啫?"

事原係我轉左幾個圈就叫我上斜.
第一次上斜後就慢慢落.
但我踩 break 深左 d 0既關係... 係太慢地流...
所以佢叫我放返多 d~
我一鬆多 d ... 佢就即刻叫我按返多壓...
我踩多少少... 但無咩返應喎~
成駕車係 "碌"落下咁... >0<"
因為好斜, 有 40-50 km/hr 但因為好短~
佢係我踩 break 無咩反應時, 就一野咁 dum 左一下 break!!
hahahaha~~ 我第一次俾佢踩 break...
(好明顯係好危險, 但果下係意識唔到 :p)

之後第二次上斜, 有師兄/姐 係前面斜路停車.
咁明顯我都要 手制 + N 波啦~
開車時佢教: 要踩 break 轉 D 波 再踩油鬆手制.
我呆左 2 秒... 轉頭望住佢話: 我唔明喎~
呢下佢係啤一聲咁0既樣. 再叫我轉波~ 踩油......

唔...
頭先... 抄左一次 notes... 哈~ 記錄返 D 程序~
哇... 我要考完 LAW 先上車再學喎~
梗要記錄底啦~
我怕到時我只係記得 d cases/拉丁文咁點算~

到呢刻...
我仲未接受到... 自己已經上車... 控制個鐵皮箱行左 1x 個圈~
o~~

我係阿戊

日日造喜歡食0既包~
健康又有益~ YEAH~
便便都暢通哂~ WAH~
甘願天天當阿戊~ HOHOHO~

凍芝士蛋糕

[食譜]
材料:
X 夫 Philadelphia Cream Cheese (原味) 一盒 - 250g
麥維他消化餅 8 片
AnchXr 牛油 [用有鹽的, 會比較香, 不能用值物油]
沙糖 4 安士 [愚通常只下 2/3 的糖, 我不喜歡太甜]
魚膠粉 1湯匙
芒果 2-3 個 (可用其他生果)
同味生果之啫喱粉 1 包 [羅柚臣最好味]
沸水 8 安士 (一飯碗)
沸水 7 安士


制法:
1 將消化餅攪碎到粉狀，加入已經熔化牛油 4湯匙，攪伴到糊狀，平鋪於直徑 8 英寸鋅紙盆上，然后放于冰格內雪藏 8-10 分鐘，直到變硬。

2 將芝士，沙糖，沸水 8 安士和 1湯匙魚膠粉一同置于攪拌機內，攪 10-12 分鐘，然后置于 (1)餅底上再放回冰格內雪藏 20-25 分鐘 [最好半個鐘至 1個鐘]，后將凝固的芝士餅放于雪柜內雪藏 (非雪格)。

3 將啫喱粉溶于 7 安士的沸水中，攪溶后待涼，備用。

4 將芒果切片平鋪于芝士餅上，將冷郤的啫喱淋于餅上，再將芝士餅放回雪柜內雪藏，[別貪快放于冰格雪藏, 啫喱結冰塊... 之後會溶... 成個蛋糕會不斷出汗... XD]

凝固后就 大成功~ (大約 2-3 小時)

5 喜歡的話就加點彩色糖在面裝飾一番吧~ ^v ^



***************************************************


是次做的餅底用朱古力及脆脆片... 結果"甩底"

. . . . . .

悶有時係有佢道理 :p

哇~~ 結婚....

[轉貼]

本 港 婚 姻 及 離 婚 趨 勢

雙 方 均 屬 初 婚
1981 年 ： 41,190 宗 　 2006 年 ： 33,352 宗

任 何 一 方 或 雙 方 屬 再 婚
1981 年 ： 2,196 宗 　 2006 年 ： 16,890 宗

結 婚 率 ＊
1981 年 ： 17 人 　 2006 年 ： 15 人

離 婚 率 ＊
1981 年 ： 0.4 人 　 2006 年 ： 2.5 人

男 性 初 婚 年 齡 中 位 數
1981 年 ： 27 歲 　 2006 年 ： 31 歲

女 性 初 婚 年 齡 中 位 數
1981 年 ： 24 歲 　 2006 年 ： 28 歲

＊ 每 1,000 人 口 的 比 率 計 算
資 料 來 源 ： 《 香 港 統 計 月 刊 》 專 題 文 章

********************************************

真係人生大事囉...
呢個年代無乜人會擔得起呢件事...

今年係街見很多大肚婆~
真的很多~
公司有一個~

看著她大肚...
看著她隔離房個件... 生個女的初父

唉~
比我份論文...
辛苦十萬倍呀~
真係日日對住佢地先知.

呢件真係愛的結晶.
細個諗住自己一個去養個 B... 仲要係試管果隻
哇哈哈~~
原來有 D 事, 唔係一個人可以做得成...
LALALA 等食薑醋~~ LALALA~

(等大肚婆返黎前... 我都唔使有好日子過啦 >_<)

單身部落 Single Blog

有點時間做下包, 煲下碟, 做下 gym
(gym 係其實所有地方都做得, 當然屋企係可以隨手攞包米都做到啦~)

去租碟
原本想看的... 唔找不到, 懶開口...
在架上看了很多... 差不多 60% 我都未看的...
先看了 [單身部落]
很冷門... 有在戲院上過嗎?
不曉得.

戲中情節沒浮誇, 令我覺得看得很實在...
戲中一句: '女人要快樂, 要自己搵'
其實都岩...
更岩的應該: '人要快樂, 要自己搵'
男人要快樂, 他們有自己的一套.
女人要怎樣才快樂, ... 各有各好啦~
個個不同, 我朋友跟我啫好不同...
我就獨自尋快樂 lu~
快樂... 很個人化.
你覺得這很無聊... 我郤很快樂 bor~
我覺得這很沒趣... 他/她郤樂透喎~
但快樂很易傳播的.

~ 你快樂所以我快樂 ~

~ 你們快樂野豬會好快樂 ~

[轉貼]最好的東西是在你最預計不到 的時候出現！

小心讀每一個，再用一兩秒想一想

我愛你不是因為你是誰，
而是我在你面前可以是誰。

沒有男人或女人是值得你為他流眼淚，
值得的那一位，不會要你哭。

那人不是你所想般愛你，
但不代表那人不是全心全意地愛你。

一個真正的朋友是向著你伸手，
觸動你心靈的人。

掛念一個人最差的方式，
就是你坐在他身旁，而知道你不能擁有他。

就算你不快樂也不要皺眉，
因為你永不知道誰會愛上你的笑容。

在世界裡你可能只是某人，
但對某人你可能是全世界。

不要花時間在一個不會花時間在你身上的人。

可能神要我們在遇到那位對的人之前先遇上一些錯的人，
讓我們遇到那位對先生/對小姐時懂得珍惜。

不要因為完結而哭，要為曾經發生而微笑。

這個世界永遠也會有一些傷害你的人，
你要做的就是繼續去信人和小心你下次信的人。

在你嘗試了解其他人和盼望其他人明白你之前，
先把你自己變成一個更好的人和了解你自己。

不要太努力去找，
最好的東西是在你最預計不到的時候出現。

********************************************
很多轉寄過來的不是次次岩聽.
但呢封野就... 句句中哂.
轉貼下先~

突然想起... 這首歌~

想起...
又要愛... 作戰...
決意每餐自煮...
決意每天與愚媽對罵...
唉...
戰... 對的何只心魔與引誘呢...
(但... 無奈... 這短短數月間暴肥一個圈... 十磅都有 >_< 十二月仲有排食喎...)

想起 AARON~~

想起他的歌~

改了 :P

清風滲著雨點
清風看見豬的臉　好fat 的臉
喜歡看下雨天
不喜歡跟妳相見　睇見就眼冤

肥意永不會間斷
就算世界與星空每天改變
跟妳更多總不減半點
最不愛看豬曲線

誰輕輕叫喚我
喚醒豬中肥膏
幸運只因有著妳
不再偷懶與暴吃

來深深呼口氣　讓戰意加上鎖
落寞消極聽著這柔情勵志
在燃亮fat

fat 意永沒困阻
即使分隔數千年　fat還在
心中熾熱似火
終於跟 fat 再相見　恨恨地折磨

從心的領略過　是不死的戰意
是用心的抉擇過
找到心魔與誘惑

仍不憤 fat 給我　像地獄的生活
落在這艱苦歲月裡全是為你
快遠離我

鐵三角

哇哈哈~

終於可以睇戲去~
我不是戲迷
看過的戲不過... 50套... (可能不夠 50 套 :p)

星期六放學吃過飯後
跟小披去看 <鐵三角>

一套三個重心人物
三個導演...
任逹華好戲功
戲內的他被三個導演
弄得我邊看邊笑笑笑...
十分精神分裂呀!!!
哈哈哈~~
好痴線~~
不過好笑~~~

好睇喎~

天清氣朗~ 心情靚靚~

這 2 天天氣很好~
心情大好~

今早就行(慢跑) 了 2000 米~
出了一身汗很爽啊~
(同學居然說我只離開了 8 分鐘 ?! @0@)
交了論文是原因之一小部份~

大原因是... 吐了一口氣~
一口壓了 2 年的氣...

出奇吧~
我哪會是好記性的人.
很多時別人為我不憤,
反而我郤一笑置之的.
我現在都不記得太清楚.
我有我氣度.
要是嬲了 10 年 8 年
一輩子都牢記啊!


一群一群的人...
當事人也未必知~
ho~ ho~
我不是早說了
要是別人要收起耳朵
扮聽了 知道了
其實從來沒聽清楚真相
而人總喜歡自以為是
人家這樣是對的
我覺得這樣也是對的
真相在告知什麼, 你知道嗎?
你有真正去聽嗎?
可能你心耳不靈.

或者知道的
百辯護己
若無其事
從未解決

結果在迫我
迫我迫你
迫你迫我

wahahaha~

或者因為
從來不會亦不懂處理
一開始錯了~
以為在盡力處理
但其實是不必的
重點在哪裡
解開了其他都不必處理
而盡力處理的...
又真的是人家要的嗎?

wahahaha~

一早就離題
不是你不努力
只是你再努力
都只會不合格
離題... 怎評分呢?
(當然我不會讓人知道啦~.~)

*親愛的友人們別亂想是哪一回事,
這事我不覺得要跟哪一個交換意見, 故沒向任何人提過.
亦不要亂猜是你一人的過喎~ 一個人不會成事喎~ ho~
而確實連當事人也經常自以為聰明明白...
其實從來都不知道這 2 年的煩惱是自招的. wahahaha~
我很愛作對~ 不過呢~~ 讓我任性像小孩後~
我就會做回乖小孩啦~~ lalalalalala~
我很小朋友, 很孩子氣~ 我知啊~
又不傷人... 哪何不可?

****************************************************

breadmaker 到左~
研究新玩具 lu~
未做過飽飽喎~~

奇遇記 -- 誰排擠誰

獅子和野馬繼續旅程.
路上會經過一條溪流,
流水引入另一個湖上,
獅子曾經熟識的湖…
現在有點冷冰冰.

湖上有隻小鴨,
牠是在一次大水災被沖過來的.
那次獅子救了牠.
更讓牠融入本不是牠的湖.
牠每天在等待自已成為天鵝的一天.
亦以為自己是天鵝也不定.
可惜牠不是天鵝只是鴨子… 長大那會成為天鵝呢?

當中牠不斷遭受離棄,
但獅子那救世為懷哪會讓牠獨自孤寂.
在多次樹林眾會上,
獅子故意拉著鴨子前往.
當中難免傷了不少樹林往日的和氣.
日子久了, 一個很漫長的日子…
獅子收留好些流離失所的孤兒.
鴨子在當中找到一群玩伴.
而氣炎長了起來, 原先這群獨自一起聚聚會

那知樹林其他的群獸不滿,
一切怪罪獅子, 獅子亦只能無言.
群獸亦離棄並斷絶邦交…
獅子無奈…
失去一個很好的良友…
沒機會再把酒當歌…
只好… 走開一會散散心~

之後碰到野馬
再次經過這個湖…
心冷是難免…

數次聚會, 野馬亦加入.
可惜最後被排擠…
莫須有
獅子獨自參加聚會, 留下野馬在樹林外…

無奈的…
以往被排擠的, 現在要決定排擠誰~

在中間的獅子絶對難受…
何以得此田地? 誰之過?

-最諷刺的是鴨子為了一啖氣而生獅子的氣!!!-

獅子啊~
(巧橙橙呢~)

奇遇記 - 獅子會

獅子與野馬的奇遇記閣了良久

前題: 獅子與野馬經過一個湖
各自深思了良久後繼續上路

穿過小樹林,
這是獅子曾經成長時玩樂的樹林.
陪著一起成長的獅子群剛好在這裏眾會.
野馬亦一同赴會.

一群兄弟姊妹般的感情很要好~
年幼的小獅無知未入世,
令人氣惱又痛心.
但一眾人都急要為牠找辦法.
野馬覺很小獅的影子很面善…
但沒跟影子對話,
現在的野馬已跟了新的影子,
野馬打從心底覺得小獅很幸福,
一眾人都告知牠帶領牠,
但只有牠才可決定一些事…
雖則生命很長…
但在所謂計劃未來的時候,
其實哪知明天發生什麼事…
選擇沒對錯, 只有覺得值得與否.
而將來會否為這而後悔?

快樂的晚宴後, 獅子與野馬繼續上路.

哇~~ 一忙又出事...

好忙...

公司忙...
睇住個市又好忙...
(兼職 -- 賺碟鼓油蝕隻雞... 學左一年... 開始知點玩)
論文真正死線... 忙...
屋企都好忙...
拍拖都好忙...
瞓覺對住周公都好忙...

出事...
大量放血...
先買個麵包機
(同事一片乜雜籽麥包 令我必定要買... 才驚覺自己真很喜歡麥味~ 麥皮我係真係鐘意乜都唔落純麥0既味道~)
再來另一同事勾引, lola 今季限定 (COLORBOOK CLUTCH - SPELLBOUND )
因為諗住一試... 點知擋唔住佢 d 魅力...
同時加了眼和面的 base... 咁就入左會... 唉...
但成個人好似叉左電, 好返好多咁... 衝份萬字文...
之後... 病到發瘟, ... 係電話到... 買左唔應該買0既無謂野.... (我當係跌左算... 唉...)

超低能...
勁攪笑...