勇字在豬心口~

案發好簡單:
撘巴士返屋企,
我坐最後一排的中間位.
左邊 2 個外籍傭工以鄉下話傾計.
右邊一家人不停講傳銷有咩唔好...
好嘈... 之際...
見到個妹妹似未踏足社會果隻傻下傻下以不憤的口氣說:
咁只係俾幾皮野, 唔使成世打工呀嘛!

我真係呆左... '成世' ?! 唔使打工??!!
乜家下 d 小朋友咁天真 同咁傻.... 好嬌嬌喎~~
我真係忍唔住... 因為我已經忍左 20 mins...
佢父母真係幾煩, 因為只係用來回 2 個 points 就不斷重覆 1x 次
個妹妹又話 咩唔係香薰, 係芳香...
一聽就知邊間啦~ 估唔到今時今日都仲0係度未接 bor~

出豬口:
唔好意思, 我多口問句... 你地係咪講緊 1b?

父母呆左...
個女又呆左...

父母答 唔知...
個女唔知答我乜...
我再問多次 "係咪 1b?"

個女點頭~
開始豬口不停:
你有用電腦, 上網 search 下佢個品牌先啦!
打工做乜要貼錢打, 仲要幾皮野!
要有自己事業, 唔想打工, 大把野做啦~
幾皮野投資/機去第 2 度回報都好過果度啦!
(當然呢個係出賣朋友經歷的時候)

父母當然加 d 油撘下嘴扇下風加多幾錢肉緊~

之後我到站, 衝落車~
而果女仔係我撘嘴之後, 態度好似溫和左,
起碼無再啤住佢阿媽, 亦無再粗聲粗氣咁駁嘴~
結果係點~ 我都想知~
不過終於我做左我想做0既. 心安理得~

雜

今日係 cwb 行街
見到長江 7 仔有得買
見到一疊 6 隻杯
想買給小披友人新居入伙之喜
(其實因為我借左人家 d 野玩... 有排都唔俾返佢
有 d 唔好意思 :p)

結果因為只有深紫, 無黑色...
只好買了另一件玩意給他們啦~

另有個老死又同 bf 起了愛巢入左伙
睇定有乜好買俾她先
(如果她係男仔, 我係愛死佢 :o)

回家時做了少年特豬...
力圖阻止一宗騙案發生...
我發覺原來我蠢... 但都唔係最蠢喎~ (自我誇讚中 :p)

尋寶

因為上年成年無撘過飛機
小披好唔老泥
我都唔係咁老泥
要搵本特區護照睇下
計劃下先

今晚...
搵左成粒鐘...
搵左好多野...
就係唔見本護照...

全屋我只擁有一個鎖住的櫃筒
很大機會會係入面...
一個鐘內...
搵返我的... 回憶...

入面有咩...
hahahahaha~

細個儲的 yes! cards.
幾十張 cards ...
(如: 唱 k 用的會員咭 - 前衛等數張;
曾經好興影的即影即有咭,
好友影的沙龍相,
廿多張銀行信用咭,
咁多年的學生証, 圖書証)
heee~ 我真係好鐘意儲野囉~

我同細佬的小學成績表, 中學果 d... 唔知係邊...
中學之後就有個大 file keep 起.
仲有本中3 的家政簿添 (有教焗豬扒飯喎... )

有本相簿...
由我 2 歲 開始... wahahaha~
睇返先知... 我係咁架樣喎...
由瘦變肥... 由肥變瘦...
還找到一些跟他他他拍的照...
原來 23歲 我係咁樣樣的~~

突然回想...
原來那時我都幾濫... (飯局)
在 23-24 一年多......
我識了多少人我己記不起
基本上... msn 很久沒聯絡的...
我也就是不記得他是怎樣的樣子, 真名是什麼, 是作什麼事, 連在哪裡認識都是一個迷~
如果連 msn 都沒有的...
大慨有電話識的...
(不時有人扮熟的來電 :p
其實我不起得他是誰 :p
而通常他們都不會表明自己是誰喎...
其實我異常地善忘...
我真的忘了... 而我又會敷衍回答後收線 :p)
因為我想... 我忘記你是誰...
也就是我不會找你啦~ 你也很久沒找我啦~
那就是... 我不需要去確認你是誰.
你已經是很陌生的陌路人.
*男女皆是*
:p

*請如果打給我時, 請表明自己是誰吧,
我真的真的不是有意忘了你, 而我真的只是不小心記不起了你是誰 :p

在櫃筒內還有... :p
很多的收據, 戲票, 去過開心地方的記念品 (去過旅行的都一包包地收起 :p)
04年去過星馬5天豪華團, 跟東瀛遊 都只係 HK27xx!!!

唔, 今天去看的團... 真係團費都唔只呢個價~~ 好貴~~

最後...
本特區護照原來係......
一個經常打開無鎖的櫃筒內...
我真的隨意拋埋一邊... :P

快樂情人節

過了快樂情人節
今年由我安排.
好明顯係我自把自為啦~

先訂了克勤演唱會.
(多得好友阿恩幫手 :) )
小披喜歡的, 我也是他歌迷BOR~

週末時已買了禮物給我啦.
所以今日也沒特別的,
快快樂樂的去看演唱會.

今年北方受風雪影響
香港天氣都很冷啊~
蔬菜貴得很離譜.
上年收到最美的花.
記憶像昨天發生.
今年花受天氣影響
很難開的美.
美的多很貴吧.
HAHA~
我其實不介意沒花收.
因為我不認為一天的表現
決定這人對你的愛有多少
我不覺得這天做個白痴就是愛我吧.
明知被騙還要多付錢買不好的貨啊~

每天對我好比送我一束花來得感動啊~~ HOHOHO~

-----------------------------------

15 FEB
今天繼續回答為何昨日我沒花收
幸好沒人問: 你地散左咩? (設計對白)
大多數人問: 你係 75% 之一?
或者正路問: 尋日唔見你收花 ?
HAHA~ 我很開心的回: 係呀~
佢地又俾返個奇怪表情作回覆...
乜... 我好奇怪咩?

(今年全公司只有一個人收花 :D)

...

經昨日的 '和味一番'
我想...
情人節只是商家吸血的一天
對我作為女朋友來說...
是很嬲的一天.
(當時我很想拍枱走!!)
*我真係唔餓得! 又頭痛又胃痛... 仲要 3 催 4 請!!!!!

下年我的情人節不會是 2 月 14 日啦~
擇個日做我的情人節仲好~
HEEEE~
(諗下邊日好先)

以前我很嬌 但我已經長大了

無人信我論文真係交到
無人信我真係畢到業
無人信我考車可以考一次 pass

其實我都以為係一場夢

今次我唔信自己竟然 LAW 呢科可以 pass
畢竟在探公公的路途上...
我根本溫不到書
考試全部都係吹水
但... 我居然取得進入 HKICPA 的通行證...

我已經長大了.

今天未知成績前
我戴著前日才買的新耳環
我報了 2 年的 MYOGA
買了一支新香水

我開始發瘋亂花錢了.

這是長大的一部份嗎?
HAHAHA~

情人節送咩好 ?

(廣告時間)
無法, 因為真係太靚. 忍唔住手要 post 下. :p
唔買都睇下啦喂~~~~~

初二看煙花

第一年新年去看煙花

到小披姑姐家拜訪

飯後到天台看煙花

很冷 但很美

雖然掛了很多衣服底衫褲...

看到 08 北京

勇敢

年少與無知
我們年輕過
做過錯事麼
哈

有多少個能認錯
很多父母教的錯
將錯就錯不懂錯
哈

荒唐的事多的是
何止只有一個呢
只是於人前暴露
哈

花生很好吃

或者
有多少錯認了就可以過
可以的話由他過好了

我還是喜歡食花生.
哈哈哈

考完車 YEAH~

沙田段段路都有工程.

有天回家等車時拍的.

那晚很凍 (沙田比市區少 4-5 度)

巴士班次亦很疏落.

學了十堂 加 2 堂

(免費加堂, 多謝朋友及同事們,

因為他們報名時說我為介紹人,

大家都因此加多一堂,

結果我就多了 2 堂啦~)

加一堂隨車觀察

(路... 實在真的認了很多很多次才記得 :p)

小披很早前已駕車行了幾條考試路線...

結果我認錯路...

行錯了 heee~ 幸好還可以回到家 :p

年三十晚 (6 FEB 2008)

早早 930學車.

我又再次遲出門口

結果撘的士

今次佢食水深,

次次都係 HKD25 左右

今次佢個錶有古惑

要 HKD45!!! (全程無塞車喎!)

不過我費事同佢嗌.

俾錢就走 (次次我俾完錢都會有禮貌咁講下唔該)

今次... 門都大大力 'BANG' 埋去!

因為睇完祖兒演唱會傻嗌後

病了... 一真食藥...

食左個幾星期...

但學車高峯期都在這一個星期內.

藥雖然不引致眼瞓

但... 頭郤很痛...

奇怪的一次

全日頭都很痛很痛 (痛得真的把頭撞向小披及硬物)

但一上車... 居然不痛了...

這天學車有點出事.

所有事都不妥.

彎轉不到,

軚渣不緊,

油門腳制有點亂...

師傅有點發癲... 很慌亂...

總之就很出事!!!

到課堂快完結才回復一點水準.

但已經是最後一課.

還有 45分鐘就要報到準備考試.

很驚................

那種... 不祥感覺...

開始胡思亂想

... 其實不應該今又考啊~

... 好似未上夠堂...

... 要不要再加鐘呢...

... 加鐘又會不會趕不及考試呢...

結果呆呆坐在 CANTEEN

一下子...

膽粗粗的...

衝了去報到... 試車...

提早了考車!

一開車...

望鏡, 左中右望, 打燈

放下了手制, 轉了 P 波去 D 波.

望望手制...

啊... 我放了手制!!!!

(平時步驟是轉波後才放下手制)

很亂很亂 不斷左右狂擰頭

(果刻是很驚的!!)

幸好車在斜路沒動, 他亦沒喝停我.

因為我踩住腳制.... 呼~~

繼續開車~

考試時有一個位是VAN 仔, 紅 VAN, 大長貨櫃車打燈爬頭.

我見 VAN 仔在很遠打燈, 有位入.

我保持車速.

再有紅 VAN 及 大長貨櫃車在旁.

只見紅 VAN 打燈, 我與大長貨櫃車並排.

我才開始減慢...

才看見.... 大長貨櫃車 亦在打燈!!!

最後才停慢...

[結果因此我有 4 個掦]

回學校... 因為太心急...

軚轉多了, 以致在坑渠蓋上行走... '冰零班冷' x N 次

[又多 3 個掦]

幸好... 合格了~

但感覺好像還未學得夠似的.

(即使取到車牌, 我暫時不敢在駕車出街)

學車平過讀書:

學費: HKD4,1XX

雜費: HKD2,000

合共: HKD6,1XX

考完攞牌要俾 HKD900 (10 年牌)

才 HKD7,000....

但駕駛是操控自己及車上乘客的安全.

HKD7,000 好像... 有點兒戲 :P

(補回) 畢業相

過百同學一齊畢業. 但有十幾個不是同系的.

多謝露比同學.

(廣告時間: 歡迎訂造各式公仔/字樣)

hee~~

好開心~~