越級挑戰大成功~ 我會做好呢份工!

見第二份工...
緊張到跳舞 again~~


點解見 2 份都咁緊張.
唔... 其實 2 份都係我錯手同求其 sent 出 cv 搏下.
(因為 2 份難度都高,
一份其實我都唔知佢請我係咩 post,
但都唔少野.
第二份係個 ger 的 assisstant...
都係 ger 級)

呢份 ger 級的 interview...
我係前所未有咁... 無知.
佢一黎就問有無睇過佢 website
(well~ 多得 yahoo, 我一 search 就見,
準備左先去見工~ 但都出事)
點知問高難度問題:
"你見到 d 咩?"
咁我講我見到 d 咩啦~
其實唔多.
"你覺得會計同運作上你而家做的同我地有咩唔同你?"

哇~ 仲有好多真係答左等於無答
再黎問佢行業0既事...
9 問 9 唔知...

問到我面紅耳赤成身發熱...
好想搵窿捐, 仲諗住佢會快快放我走算.
點知...
最後佢用下面一句做結尾
'ok 無咩問題, 人工方面都應該無問題, 不過都要俾老闆睇睇, 你等一陣"

我真係 o 哂嘴... 打左個突....

之後因為返大陸要過夜,
吾媽大力反對,
本想推掉算~
但他竟然說
我好適合佢地, 好 fusion, 好希望合作... 等

o... 我好 fusion?

最後又唔使過夜, 免我一役~
lalala~

佢俾我而家人工高的薪酬,
又唔介意我全無經驗,
又肯教我.

無理由唔試~

但現在好大壓力~

見工

well~
7-8 年無見過工...

今晚第一次見工...
勁驚~
下午爆炸前勁驚又緊張又燥...
整個下午狂去廁所...
去到已經頂唔住時...
我係廁所開始跳舞...
開始放鬆自己深呼吸...

先係 傑他他 舞
再來個 belly
再整返個 bollywood

yo~
真係會好 d~


放工即閃.
立即飛的去見工.

先來一份用中文填寫表格!
(我唔記得帶相, 亦無 print 多份 cv)
好彩早早已 check 過人家企業的子公司,
所有業務種類, 相關子公司地區, 業務地區, vision, mission.
大約對答還可.

但居然出現超奇的問題...
真係急才...

1. 自我介紹 (我突然一片空白... 仲唔左好耐... 真係好緊張~)
2. 我於現在公司有什麼難忘經歷
(唔通答我咁耐公司都無升職機制?)
3. 我在現在工作上哪方面比較有興趣
(大佬呀~ 做野邊有興趣架~ 我日日係度砌 schedule~你問我邊方面強就話啫)
4. 我覺得下屬須有哪種條件
(靚仔靚女唔做得下屬得唔得?)
5. IQ, EQ & AQ 覺得自己有幾多分. 邊方面強 D?
(佢自己話因為呢期 HOT 所以都要問下喎~ 真係 Q~ )


加好多騎呢問題...

佢地 2 個人 IN 我...
有人問我似唔似自己去選港姐.
如果我企係度著住水著仲似呀!

仲有 2nd in....

仲要考咩呢......

乜家下見工興咁架?

工作極限!

呢幾日係公司做到簡直燥狂.


今日下午被要求再改十幾份表時 ... 焗爆!


其實各位老細已經要求呢呢路路,


阻了我 2 日時間係 d 無謂野上. ok~ 你想點改咪點改囉.


但今日要我十幾份全部再打過哂 @0@


問題係... 真係好少事, 好無謂.





又俾個唔係自己公司的 auditor 狂煩住


個個鐘都係 print 野


我見隔離唔得閒拍爛當幫下...


點知佢真係唔知自己究竟係 audit 邊間公司咁


係咁搵我做呢做路...


關我鬼事呀!!





結果一個下午


爆炸~~






對所有不滿都表明~
barlabarla~

我仲好多野做喎.
事實係我已經堆到成張枱都係野.
已經係我極限.
真的不要再為無聊小事阻我清理果堆工作!


放工去見工.
必須離開這地方!

"乜咁沙膽!!"

自考得車牌後, 用了小披爹的巨房車 (渣時真的覺得自己在渣 bus) 3 次.

3 月之後至今都沒在司機位看路面了.
現在還餘悸猶存...

話說頭一次,
跟小披友人們 - 小 con 2 口子練車.
成車人都話我手車嚇死佢地...
小披要求我停車熄匙...
然後落車飲啖水抖抖...

第二次,
小 con 2 口子已買了車.
我們分別在 2 架車中練習.
在一個紅綠燈位,
小披在我轉彎時大喝一聲...
我停哂架車... 我個心都離埋!
(架車係已經入左彎, 但係個尾未入... )
佢話我個彎轉得太快太急...
那一刻...個心離埋...
但我唔知係佢喝定我還是我真的轉得太快片入彎的離心力...


第三次是復活前果個星期天,
位於馬鞍山屋企附近練...
我未試過用小披爹的車駕駛出街 (真係有人有車的街)
真係多車...
我其實已經驚, 又俾 的士佬 '呠' 我...
太慢但小披郤說渣定了比之前好了些.
當我在一個好大的十字路口前...
見唔到前面 d 線, 又唔知怎樣回頭返去.
因為行錯路好易入左西貢. 小披還要問我 "要點行?"
那一刻好迷茫又傍惶
d 淚水於眼內 游下游下 差 d 喊出黎...
之後真係入錯一條村屋..
行行下俾部黃色 mini 對頭燈照住...

果下真係心都離埋... 我以為入錯線
點知望下後面已經俾架車頂住個車 pat pat....
我真係嚇到呆左...
用左好耐時間都泊唔到一邊.
mini 都仲係差少少先出到.

小披要落車問人點出返去.
這一刻後面已經成條車隊!!!
最後當然由小披拾手尾,由他返好部車.
不快不慢這個時候已經有幾個男人落車上黎睇咩事....

部 mini 夠位出去了~~~
出去時個乘客阿嬸話 :
"乜咁沙膽!"
跟住啤住我!


之後成條車隊 d 人經過都 啤住我!
小披渣返架車返我屋企樓下
我已經忍唔住喊... 真係好驚...

唔~ 我在駕校用廿個鐘先熟習架車點用.
但已經要考試.
唔知好彩還是不幸...
我一踼 pass

但大 cc 和重的車的駕駛方式跟日本車仔又是 2 回事.
在零路面經驗值
加頻頻打擊下...
駕駛樂趣真係零
(在學車時反而經常笑談傾計咁渣車, 真的開心十萬倍)

自由~

wahaha

上星期上班時間, 媽媽很緊張的給我電話.
說第二天要趕入娘家 (返大陸).
因公公要求買壽衣並叫所有仔女, 孫, 曾孫回去.

(其實已經不只一次.)

但每次聽見都會心酸, 忍不住又再哭起來~
但他就是喜歡跟子孫玩玩.

結果 2天後, 愚媽給我來電.
公公又無事, 但需要多留幾天.

WAHAHAHA
我跟細佬都非常開心.
獨立的生活啊~
最重要係屋企還未算太亂
雖然會多做很多家務, 會很累.
但值得的. 很 FREE~~~~

:)

亞氏保加症 = 入急症室

病, 我比較喜歡看中醫.

西醫係必須把事件重覆, 而且必須清楚自己怎樣病.
我覺得病就是唔舒服.
這這那那, 將自己所有疑似發病的因由說一遍...

今日又俾隔離村那西醫點一次.

事原上星期飲變左的寶礦力,
胃在抽痛好幾天.
昨天荷了 5-6 次.
今早又來了 2 大鑊.

決定要看醫生啦.
就近的醫生, 他比較口碑好.
我只想找點腸胃藥止胃痛而已
但他今次又唔俾藥, 要我入醫院 @0@
我再次表明, 我要些腸胃藥就好了.

他居然說, 己過了 3-4 日, 食錯野唔會咁慢先發作.
(ok, 連醫生都覺得我遲鈍!)
呢個不是普通的病! 入急症室啦~

頂! 我係出面等左成個鐘.
你唔俾藥, 仲要我自己入急症, 排多幾粒鐘?
真係痴線~

經過上次俾佢寫左封醫生紙, 晚飯時間入左急症室...
結果害我一個月照了 3 次肺...
病足一個月, 那個月我幾乎只上了 10多天工 :p
今次我搵另一個醫生証實... 自己病情是否有這麼嚴重?

另一個醫生都笑... 我是說得對.
我只是腸胃炎, 不用看急症室.
(我經常覺得除了走不動才要入急症, 行得走得入去做咩?)
要知道醫院 d 藥真係好堅! 食完真係全昏迷!

唉~
以後病都要乘巴士出去睇醫生.
這區的醫生... 太可怕了.
(我試過看西醫, 而我胃酸過多, 但給我的是增加胃酸藥... 那次真是痛死)

酷愛中醫,
可能我有這亞氏保加症... 語言障礙 :p
不用多說, 一日飲一次.
又唔使怕食左藥~ :p

食了藥, 暫時舒緩.

***************************************************************

這次我病了, 小披來探我呢~
(還是頭一次啊~~)
lalalalalalala

其實我係毒女!

http://www.flickr.com/photos/7186305@N03/sets/72157604406790491/


後面好多係毒男攝的.

進入高不成低不就境界中~

請祝君好運~
.
完
.

Let's dance!

WOW~

昨日看過三國之見龍缷甲. 很多想分享.
(哇, 我竟一邊看一邊思索身邊的事.)

今晚看了舞出真我 2 (Step up 2).

第一集我已經很喜歡, 所以這次很想看.
要是可以看多幾次就更好. haha~~

我打算買回第一集回味添~ :p

出戲院時我想起最近上的 bollywood dance.

So funny!

找回跳的那首音樂:

Race movie - Allah duhai song

http://www.youtube.com/watch?v=t9ZVsrPSmCY

wahaha~ 明早再跳~
YEAH!!!

忙

好多飯局, 好開心~

公司好多無聊開火, 做左夾心人~ (但變成隔岸觀火)

發現好多人入左 myoga

上左瑜伽, 高溫瑜伽, pilates, 肚皮舞 belly dance, bollywood dance.
最鐘意 bollywood dance 的阿叉~ 但越減越肥中...

狂 sent 信中. 希望早日有錢途.
但每日見到同事都有點不捨 (好果 d), 這幾天無表情中.


有時不斷自我迷茫,
結果是自尋煩惱.
只要走出一步 << sent 出 cv,
擔心變成多餘的.