失眠

萬眾一心
眾志誠城為條片
無心睡眠
越睇越精彩!

到底會係點呢~
好心急喎~

灰

讚許表現 但無節現
做到好灰…
已經被稱頂爛市… 仲灰…
但又有其他因素考慮…
好煩…人生充滿煩惱…

險

馬路如虎口
開始我越'渣'越慢
因為我要記住:
我係要考試...


彎一直轉得不好...
搵食車片住入彎...
哇... 咩叫片埋黎真係知驚...
(上次係小巴.
今晚係成架巴士... 好似飛過黎咁高速入彎...
我渣日本小車仔... 真係唔同你玩...
停埋架車仔, 等巴士巨鯨片完先行)

隨車觀察
看人點渣車
先知...
我真係太快了 :P
人地又真係定好多喎.
怪不之得同一個師傅...
頭先佢在燈位前要除下眼鏡鬆一鬆啦~
:P

之後一齊教我地追角入彎
(我地 2 個女仔都係入彎唔好, 但個女仔今星期就考)
師傅以前係巴士佬喎~ HAHA~
原來巴士係咁渣架~

今晚入彎係靚左, 但仍要改進~
隨車觀察真係好喎, 唔使俾錢學野呀嘛~ WAHAHAHA~

學牌 70/km

話說第二堂正是我畢業禮當日
早上學車, 下午行禮
因為考試在年三十晚的早上
乘機試試早上交通情況

日間果然繁忙
工廠區 + 段段路都在維修工程進行中

師傅指示方向
再加加加 (不斷地) 指示:
咩考試路線入黎呢個路口
頭先係果邊入
咩考試路線由果邊出...
(下... 第一次行未認得, 仲要記咁多.
仲要我係學緊控制部車, 未能顧咁多野喎~)
*注意: 佢係在我行車中/紅燈等燈/準備在燈位前停就講一堆...
我自己係邊都未知喎!!!!!!!!!!!!!!!
我唔係住沙田架!!!!!!!!

之後去到大涌橋線,
有段路係 70/km
咁現實世界係果牌係 70, 你行 75 係會俾人釘住行
一定行 80 才是安全
我只不過行 70/km 間中跳過少少...
佢無出聲/踩腳制架.
之後無牌的通常行 50/km
我又係行 50多少少囉....
太現實了...

結果他...
在手冊裏填上 [SD2,6]
[SD2: 勿超速行車]!


回想才知...
日間很多巴士在隔離線
它們一排幾架飛住去...
我在左線, 左邊工程, 右邊一排大鯨壓過來...
真的有壓力架~
車開得快了... 50 多也不覺多... :P

戲

終於看了 dvd 的色戒
(湯唯都唔係咁似我啫~)
唔, 套戲好複雜... 好女人
如果唔係梁朝偉, 如果唔係李安
套戲唔知會點, 但一定唔好睇...
因為又係講歷史...
個人對歷史片有點... 不喜歡
或者係愚媽講太多...
我唔想知囉...
個人感覺 la~


末世凶煞 (Cloverfield)
原來要咁睇
小披睇 2 次
(我呢隻豬係從未試過買飛入戲院睇同一套戲 2 次)
都唔明 (要睇可以等出碟先去租/買黎睇)
但特別事件例外啦~

在小披買 <色戒 > 時,
聽到有人談論某套戲...
小披係爆笑
他們的形容詞 : 唔好睇, 好睇, 超好睇
當然我覺得沒什麼啦~
我以前都是這樣子的.

戲
~ 只是娛樂, 像電視劇
那期有空, 做什麼了, 在中間作選擇.
沒空, 我也不會知亦不打算知有什麼好看不好看.
忙我的就好了.

戲的形容詞
唔好睇, 好睇, 超好睇
還可以說什麼?

初初跟小披看戲後總會吵架
因為大家開開心心看完
豬: 好睇 (開心中)
公: 係呀~ 個劇情咁咁咁, 個導演點點點....
豬: 哦~ heee ~ (繼續好開心.. 笑~)
公: 你做乜笑呀!
豬: 吓....

好奇怪的 @_@
看完戲就不准笑...
所以總吵嘴
明顯的覺得他在'嘹' 交嗌!

好多次之後
當然我都係傻下傻下繼續笑.
佢仍然發表電影人角度的意見.
社會學, 人性, 很多導演用的手法...
原來戲要看導演... haha (看電視劇哪會看誰是監製/編劇)

戲
其實是很有學問的.

忙到打唔切部落囉~

這 2 星期像沒休息似的...
很多活動...
很多事情...
但沒心機坐在打 :P

工作忙
被氣倒
結果 8時回到公司跟它死拼

要學車, 隨車觀察
上了 4 堂...
師傅滴汗中...
獲益良多~
改進中
(有排寫)

跟友好的同學上船遊~
感人的畢業禮 (自己感, 其他人可能唔覺)
後到北角鳯城興功~
跟愚媽逛上環 (花膠比上年脹價一至四倍!!!!)
[點解我人工咁低]
但亦掃了一袋二袋...
今個月家裡亦添了新梳化
[未出花紅, 很窮]
友人的友人話我頂爛市 (找找市價... 唔... 我都幾抵喎!)
忙打 NDSL~

很忙但心洞洞
又買了書, 心靈的胃口...
跟肉體的胃口很似...
經常很餓~

第三十屆 中文十大

第一次去這類型的頒獎禮


金針奬: 杜麗莎
你唔係唱得唔好,
只係我全程隻耳仔俾你 d 高頻聲線
引致很刺痛!
全程我都要掩實雙耳方能聽到你唱歌
其實可唔可以拉開你個咪先唱女高音呀！！！！！
(我寧願聽千樺 祖兒囉~)


完場飄雪很靚
影唔到~

今日去飛車呀~~

考了中期試後,
今天... hahaha~
第一次 '渣' 架車車出街啦~

興奮多過緊張
在場內行了一個圈就出街~
一出去就好大膽慢慢加油
開到 40-50km/hr
居然無俾人喝停喎~
只係叫我
"前面燈位就要開始收油啦~
呢度都只係可以開到 50 架咋"
XD
我咪差 D 學牌超速 :P

之後學轉彎,
入迴旋處,
CUT 線

講真
我今次出街真係驚.
CUT 線!
因為... 原來軚真係好難渣得定.
只要少少輕輕向左/右 '育' 少少...
佢就會... 已經去左隔離線!!!!!!!!!!
因為開頭我很大角度的轉軚...
結果佢要踩腳制同捉我手軚...
:( 果下好驚.... 下....

之後佢幫我轉線仲驚...
因為我望鏡.... X 3
之後向前望...
佢叫我俾油...
咁就...
佢已經幫我轉左線啦!!!!
望返自己手軚... 唔~
真係好少角度就做到了~

係學院...
同考泊位...
要轉的角度真的要很大...
出了街
深深明白...
"速度會影響角度"

另一驚位就係....
我完全...
唔記得車除了前面還有後面...
HEE~
無習慣去睇盲點喎...
在幾個迴旋處 / 彎位 都總有 D 唔生性
同唔知死既車係停在出口處不遠...
WOW~
出左迴旋處 / 彎位要渣直手軚
但要避車... 必須轉過去對面線先過到.
好啦~ 車頭過左就轉返過去自己線...
但我完全係無諗過... 車尾... 過左未...
HAHAHA~
結果就係咁俾佢又捉我手軚啦~
唔...
我要留意的... 真係太多啦....
邊睇得切咁多野喎!!!

:(

未畢業.... 先興奮!!

(頭頂城大)

今日取袍後就立即影相去~
但件袍... 好難先著得好啊~~
真係唔易著.
(幸好有同學提醒 check 下岩唔岩碼.
原來我填的跟他們給的剛好倒轉了啊~)
好彩有一班好友幫手~
而我因此遲到... 1445 才午餐... 亦害同行者遲了進餐...
真不好意思.

o~
他們還買了花和公仔.
我覺得被他們的愛包住咁~~ 好熱呀~~~~
hahahaha~



今天還得知一件喜事~
雙喜~
yeah~

thanks all my lovely girlsssss~
^3^

*******************************************

另: 今天穿波鞋, 牛仔褲. 我覺得跟件袍很相襯喎~~
(如果行禮都可以咁著就好. 幾舒服~ :p)

另: 我覺得我咁'符祿' 可以畢業,
之後的興奮,
之後的影相,
很多安排上,
和麻煩程度...
我都覺得跟結婚很相似.
一生人一次
[well, 夠了, 我唔會攞多個學位/ master 囉 :)]

藍莓之夜 (My Blueberry Nights)

原來係王家衛...
(開始知道原來睇戲係要睇導演 :p)

我覺得短短個多小時像在看小說似的~
我喜歡喎~
有人覺得很悶...
haha~
我覺得很好氣氛
很有感覺.

可能我經常活在一個... 解釋不出氣氛的環境下
太清晰的戲情令人想睡
太顯淺的交代令人覺得蠢

不是太高傲
不是太高深
只是
真的要每鏡頭也清楚明白嗎?
(歌 也一樣. 詩情畫意 令人回味)

留白 比 說穿
來得更投入
(想 什麼 )

好忙嗎?

沒上課, 反而沒空坐在電腦前打日記 lu

吃了很多餐

跟友好學友們吃 cova 甜品 buffet
(恨左 2 年, 次次放學經過都要抺口水的
每次都是匆匆的走過)

原本平凡的除夕,
過了不一樣的.
用特別的角度看了煙花. haha

中學同學的聚會~
多得她們.
早幾年的陪伴,
至今仍令我覺得自己很幸運.
真係好彩有妳們~

o~
還有 boxing day 在 ruby tuesday 跟小披友人們一起聚餐~ ^^

好肥添...

********************************************************

上星期忙得要命
在公司連續 2 天沒 online
(全 office, 只有一人有我 msn)
marketing 姐姐走過我的位
喂了一下
輕聲問很忙嘛

成枱單, 紙 和 filesssssss
埋首當中的頭慢慢抬起
連對方的樣子還未看清己肯定地點頭.

對方快閃地走開去.

轉頭 "卜" 一聲
抬頭再看
一包小百力滋
上面一大張黃色 memo
寫上 "加油!! 努力!!"

o!!!
呆了幾秒
這種感動... 這種很體貼的感動啊~
無語的
語塞了

(她其實是另一間子公司的同事啊~)


"誰感動您心就在這一秒內"

頓悟

這幾天心情很差.
很低落.
我做事從不理別人看法
或對我無理批評
因為我只需要對自己交代
這次我交代不來
心很酸


********************

近幾年比較易哭
關不關己都要哭
因為哭要有理由
隨便推搪情節感人
太累太呆什麼也好
別問為什麼女人都愛哭
我正在哭


********************

如果每個人來到世界是為著一項工程而活的話
有人在建立事業
有人在建立戀愛
有人在建立自己的家
有人在實踐自己的夢

我無所事事
因我天生已被委派一份差事
保衛一些人 直至斷氣

都只怪我突然的好記性


********************

噢~
苦惱
最近發現以往的過縱
促使現今的果
發現這2 年的疏忽
促使現今的錯


今晚發現十多廿年前的無知
用了錯的方法
害了他
我要怎樣補救...


********************

其實一直被保護的是我
師妹 - siu man 說得對
人從來都不可憐,
但人都喜愛自憐


********************


這年我該怎樣辦........

iphone 幾時出呀? 我就黎等到癲!!!

我開始忍唔住要買
幾貴都想買果隻!
我想它做我畢業禮物喎!!!!!!!!!!!!!!!!!!!!!!!!!!!!!!!!

但又有人話我知...
佢過多 2 個月出行貨...
大佬... 我等行貨等左 年幾 啦!!!!!
今次係咪堅架先!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!

狂買耳環

結果... 耳仔開始發炎... :p

聖誕夜 - 扒地 lu

早早做了這個 紐約芝士餅,
因早前派對在小披家進行,
而大家都會飲酒的~
haha~ 我準備了不少 脆片小食
(可當薯片, 但不用油炸, 很健康, 但香口)
又做了朱古力...
又準備做芝士吐司 (即有火腿, 粟米芝士啊在面的那種)
...
早前 post 了意外..
不多提.
結果在小披家現在還留下一大包車打芝士!!! 唉...


不過跟 00 姐姐玩 wii 很開心架喎~
haha~
你地睇~ 佢地示範的 wiifit !

聖誕日 - 教會篇

聖誕節點解要講 聖誕節快樂呢?
點解信唔信耶穌0既都要講 聖誕節快樂呢 ?
點解唔信耶穌0既都要講 聖誕節快樂呢 ?
點解信唔信耶穌0既都有 2 日聖誕節假呢 ?
係咪 "聖誕節快樂" 已經無意義地成為 "你好"
或者 "生日快樂 / 情人節快樂 / 父親節快樂 / ....."
一般性敷衍的祝賀詞 ?


今年突然諗起咁深而一直忽視的這堆問題.
因為今年一早起身便要準備好到教會.
因為小披嫲嫲今年的聖誕日洗禮.

"突然" 很多的反思啊...
聽很多將接受洗禮的說見證.
很認同那種 "安排"
同亦很接受那種 "交托"

唔知做乜又諗起佛教的 "涅槃" (音: 獵 盤)
無感覺的, 不受外界所擾, 潔淨無暇.

故思亂想後,
今年聖誕好像過得有點意義似的.

我的生日禮物 - 同事篇

這是上年跟我鬥氣的同事送的.
基本上我的同事都很好. 只是間中會發作...
跟你鬥氣吵嘴...

ha~ 我覺得很可愛啊~
現在是我的八逹通袋





另一個跟我同在 12 月生日鄰座的秘書姐姐
(我公司除了老闆多, 會計排第二, 第三多的就是... 秘書姐姐們... )
我們每年都會交換禮物的,
今年交換了這個:



(唔, 今年發神經買左好多 crabtree...
加埋同事 d 單... 做左會員... :p)